Giuseppe La DelfA
LE POESIE in Siciliano :
A Ignazio Buttitta
1996 – Siracusa.
di Giuseppe La Delfa
'Nnammuratu
Sugnu ‘nnammuratu di ‘sta terra mia
e di ‘stu mungibeddu c’a ‘ncuntrai ppa via.
‘Stu veru sintimentu arricria ‘a m’ ‘e jurnata
‘A tonna ‘u m’ ‘e cori ‘ballaria ‘nta nuttata
A’ tia dedicu ‘sti versi ccu tantu fremitu
e da’ radica di lu m ‘ ‘e sensu ‘nfinitu
Sentu ‘n pruvulazzu c’annegghia l’aria
ma ‘a friscanzana rianima ‘a nustargia,
Annunga ‘i dulurusi vai mi fa scurdari
e ‘u niuru di la to’ lava mi fa riurdari
‘u focu russu c’abbrusciatu ‘a vita mia
l’anima mia di picciriddu frii ppi tia
ca si megghiu di ‘na tennira puisia.
E’ n’amuri ca sapi di pura pazzia
Ma di certu c’entra ‘u divinu cilistiali
‘U Nostru Diu mi fici aceddu senza ali.
Ppi vulari ‘nti tia ccu lu sintimentu
e chianciu antrasatta, senza abbentu.
31– 5– 08 – Siracusa.
di Giuseppe La Delfa
A' me' matruzza
Matri matruzza
‘sta jurnata di l‘ottu maggiu
E’ dedicata a tia ppi fariti ‘nu ‘ranni curaggiu.
‘U viri, semu ‘nto centru di la primavera
e l’acidduzzi ‘nto cielu volanu a schiera.
iddi portanu ‘nta l’aria tanta alligria
e i picciriddi strummulianu ‘ppa via.
l’anni toi uoggi sunnu propriu tanti.
Javi da ‘n pezzu ca supiranu l’uttantanni.
‘a to’ famigghhia di sicuru nun ti scorda mai
speciarmenti quannu ci sunnu jurnati gai.
M’arriordu, di picciriddu li to’ dilicati manu.
Macari uora, doppu quarantanni ca sugnu luntanu.
Uoggi ca è la to’ festa, lu to cori sprizzia cuntintizza.
Uora chiuru ‘sta puisia, ccu ‘na prijera .
Madunnuzza, Gesù e Diu Patri Onnipotenti
Lassatici a me’ matri ‘u cori sempri cuntenti.
di Giuseppe La Delfa
Pueta Vacabunnu
Sugnu ‘n pueta vacabunnu
Sempri scuntentu d’ ‘e tempi d’oggi
Taliu ‘sta terra chianciu e piniu
Soffru virennu fimmini e masculi
Scannarisi, tirarisi, i cuteddi,
scipparisi i capiddi
ammazzari i picciriddi
fari a pezzi animi ‘nnuccenti,
spari o’ patri e a matri
e muriri ‘nsuppilu ‘nsuppilu.
Nun c’è chiù rispettu
unu ccu l’autru.
‘Nta famigghia
regna ‘u disordini
‘Sta società ormai canciau ‘n peggiu
Nun c’e speranza pp ‘ ‘e nostri figgi
restanu ccu l’ali tagghiati
senza curazza di prutizioni
sunnu nudi e senza speranza.
Cosa divi fari ‘n cristianu
Ppi ricupirari n’amuri
ormai luntanu di lu cori di la ggenti,
la paci tantu disiata di tutti
‘sta divintannu ‘na chimera
I valuri si persiru ppi sempri.
Mi disperu comu pueta
e comu omu di ‘spirienza
dispiratu saggiu mai apprizzatu
‘U me cori soffri
e nun vidu nuddu spiragghiu
ppi l’avviniri. Sulu Diu
po’ ‘nterviniri a porri rimediu
ccu nun gran signali significativu
ca porta l’omu a ravvidirisi.
Sti nostri poviri carusi
nun hannu mai abbentu
currunu senza sosta
talianu i stiddi tutti li notti
Ppi circari ‘u patri ca ‘sta ‘nto cielu
e aviri n’aiutu comu si devi.
25 – 8 – 05 – Siracusa.
di Giuseppe La Delfa
E’ sira…
Tu ti stai muta e talii ‘a luna
‘i stiddi a vespiru
‘i frùsculi grigi, accucciati
‘nto poju Timiniti
‘n parti arricugghiuti
‘nta baia d’ ‘o portu ‘ranni.
Tun nun hai vogghia di parrari,
taliu ‘ i to’ vavareddi
vulissiru arrispunnirimi,
ma , nun nn’aj ‘u desideriu.
Ti pigghjiu pp’ ‘ a manu,
ti spunta ‘na lacrima …
capisciu ‘u to’ dramma…
pirdunami… amuri miu… scurdamuni tuttu…
dumani… sarà novu jornu e…
‘nsemi ripigghiamu ‘u caminu d’ ‘a vita.
di Giuseppe La Delfa
Luna Ruffiana
Ogni notti ca vui affacciati
iù m’addugnu quantu bedda siti
vui ruffiana di ‘nnamurati,
di l’ammiratrici nun v’affruntati
tanti picciotti ca sunnu zziti
faciti finta ca nun i viditi.
Iù si vi chiamu nun rispunniti
sicuru ammucciuni cantati.
Luna di notti còciti la menti
spirati tutti pueti erranti
puru tanti amanti senza abbentu.
A tutti lassati ‘n cori cuntentu
cumpagna fidili de’ piscarura
comu sempri piscanu di bonura.
6 – 7 – 07 – Siracusa.
di Giuseppe La Delfa
A voti m’addumannu
A voti m’addumannu
cu sugnu
ma nun sacciu
truvari risposta.
Mi toccu
dicu tra mia e mia
di unni vegnu
cu sugnu iù?
Cu sapi
comu mi finisci?
No mentri
non mi rassegnu
studìu, leggiu tuttu chiddu
ca mi passa davanti.
Nun mi cuetu u sensu,
m’abbuarru ‘rriquetu
ppi festi , ppi simana.
Finu a nautru notùlu.
19 – 08 – 07 – h. 19,00 - Siracusa.
di Giuseppe La Delfa
Pinzeri
di Giuseppe La Delfa
Donna 'mara
di Giuseppe La Delfa
Desideriu di 'nu patri
di Giuseppe La Delfa
'A terra mia
AULA MAGNA DIREZIONE GENERALE TELECOM
19 – 03 – 98 - Milano.
di Giuseppe La Delfa
Emigranti
Emigranti cchi vordiri?
Partiri e turnari n’autra vota
non patiri cchiui siti,
fami, dibulizza.
Stu poviru cristu luntanu
talia lu munnu
di nautra manera.
Soffri di tanta nustalgia
jornu ppi jornu travagghia,
ma pirduna a cu lu sfrutta.
Talia li fimmini e s’arricria.
Luntanu di sta terra siciliana
è scuntentu e nun ci sapi stari.
Cci veni impita di scuraggiarisi.
Ma di fari sacrifici nun si scanta.
Affrunta antrasatta li peni e nun scappa,
assapura lu piaciri e si rassegna.
Annunga talia li stiddi e prejia lu Signuri.
2 versione
Aggiornamento 10-08-07
29 – 07 – 07 - Siracusa.
di Giuseppe La Delfa
